Vigo acolle o I Simposio Nacional de Oncoloxía de precisión para divulgar os últimos avances de investigación neste ámbito

O encontro, que se celebrará na sede de Afundación de ABANCA, está organizado pola Sociedade Oncolóxica de Galicia
Por o 21/02/2019 | Sección: Galicia,Salud,Sanidad,Vigo
Vigo acolle o I Simposio Nacional de Oncoloxía de precisión para divulgar os últimos avances de investigación neste ámbito
A Sociedade Oncolóxica de Galicia (SOG) organiza a próxima semana en Vigo o I Simposio Nacional de Oncoloxía de Precisión, que reunirá na cidade olívica a profesionais procedentes de diversos centros hospitalarios de España para debater, compartir coñecemento e divulgar os últimos avances de investigación neste ámbito, que posibilita o tratamento individualizado e á carta
de diversos tipos de cancro.
A sede de Afundación de ABANCA acollerá a celebración do Simposio, o primeiro destas características que se celebra en Vigo. De feito, dous profesionais de prestixio do Servizo de Oncoloxía Médico do Complexo Hospitalario Universitario de Vigo – CHUVI– (os doutores Joaquín Casal Rubio e Martín Lázaro Quintela) forman parte do seu Comité de Coordinación Científica, que tamén integra o doutor Sergio Vázquez Estévez, presidente da SOG, Xefe de Servizo de Oncoloxía do Hospital Universitario Lucus Augusti, de Lugo – HULA- e recoñecido especialista no sector.
O encontro acollerá a celebración de seis mesas de traballo nas que se abordarán cuestións básicas, clínicas e de xestión relacionadas coa oncoloxía de precisión.
Asuntos como a aplicación da biopsia líquida, a radioterapia de precisión, a medicina nuclear, as plataformas génicas, a rebiopsia ou os aspectos ético-legais da
oncoloxía de precisión centrarán parte do debate.
Os coordinadores científicos do Simposio adiantarán aos medios de comunicación en rolda de prensa os obxectivos e as novidades que se abordarán no foro.

Comentar noticia

Your email address will not be published.