Vigo iza as súas nove bandeiras azuis nas praias, a cidade española con máis distincións

Abel Caballero participou este martes no izado das nove bandeiras azuis que ten Vigo nas praias, ás que se suman outros tres sendeiros azuis, cifras que converten á cidade olívica na urbe española con máis distincións azuis
Por o 04/07/2017 | Sección: Concello de Vigo,Galicia,Vigo
Vigo iza as súas nove bandeiras azuis nas praias, a cidade española con máis distincións
Compartir en:

Abel Caballero participou este martes no izado das nove bandeiras azuis que ten Vigo nas praias, ás que se suman outros tres sendeiros azuis, cifras que converten á cidade olívica na urbe española con máis distincións azuis. 

En Argazada, o alcalde puxo en valor as doce distincións azuis que Vigo recibiu este ano, un número que sitúa a Vigo como a cidade española con maior número de recoñecementos.

Vigo ten nove bandeiras azuis, nas praias da Punta, Tombo do Gato, Argazada, Fontaíña, O Vao, Canido, Fortiñón, Rodas e Figueiras, estas dúas últimas, nas Illas Cíes. Ademais, recordou Caballero os tres sendeiros azuis obtidos: a senda entre Faros das Cíes, a litoral e do Monte da Guía en Teis e a do Lagares.

O alcalde fixo un breve repaso das incidencias atendidas polo servizo municipal de salvamento e socorrismo nos primeiros quince días de funcionamento, que corresponden á ultima quincena do mes de xuño. Están rexistradas preto de cincocentas asistencias, a maioría sanitarias leves e feridas, mais Caballero enfatizou os trece menores extraviados nos areais, “un ao día”, e solicitou atención aos pais nas praias.

Abel Caballero engadiu que o Concello dispuxo doce desfibriladores nas praias de Vigo e xa ten en funcionamento as cadeiras anfibias en Samil, e “de inmediato” no Vao, para facilitar o baño a persoas con discapacidade. O dispositivo municipal nas praias supera os cen profesionais, entre os axentes da Policía Local, o persoal de socorrismo, salvamento e asistencia sanitaria, os socorristas das piscinas de Samil e os traballadores de limpeza.