Vigo xa aplica a sentenza da plusvalía e desde 2017 houbo 11.000 liquidacións con cota cero

Caballero explicou esta mañá que desde 2017, os contribuíntes que demostran que non teñen plusvalía cando venden un inmoble non pagan o imposto cando realizan a autoliquidación. Deste xeito, Vigo aplica xa a sentenza do Tribunal Constitucional que anulaba parcialmente este imposto municipal.
Publicado por o día 21/05/2018 na sección de Concello de Vigo,Galicia,Vigo

Vigo xa aplica a sentenza da plusvalía e desde 2017 houbo 11.000 liquidacións con cota cero

O alcalde de Vigo comunicou esta mañá que o Concello xa aplica a sentenza do Tribunal Constitucional que anula parcialmente o imposto municipal de plusvalía e avanzou que desde 2017 ata maio de 2018, a administración local tramitou máis de 11.000 autoliquidacións que non pagaron imposto e das que 4.859 corresponden aos primeiros meses deste ano en curso. Tal e como explicou, en Vigo se informa aos contribuíntes de que pagarán cero euros se fan a autoliquidación e demostran que non teñen plusvalía.

Respecto dos cobros indebidos que se realizaron antes da sentenza do Tribunal Constitucional, Caballero reiterou que “todos os concellos de España queren que sexa o Ministerio de Facenda o que afronte esta devolución, como administración responsable, todos, menos o PP de Vigo -puntualizou- que quere que o pague a cidade”. O alcalde explicou que o criterio que se está a aplicar en Vigo é o pactado entre a FEMP e o Goberno de España.