A Consellería de Medio Ambiente, Territorio e Vivenda adxudicou esta mañá máis de 68.000 metros cadrados de solo empresarial bonificado nun total de sete parques propiedade da empresa pública Xestur.
Concretamente, a adxudicación acordada hoxe pola comisión executiva de Xestur refírese a 13 parcelas que suman un total de 68.103,02 metros cadrados e están localizadas nos parques de A Sionlla (no Concello de Santiago de Compostela), Bértoa (Carballo), Viveiro, As Gándaras (Lugo), Barreiros, Pereiro de Aguiar e A Veigadaña (Mos).
O importe de adxudicación final destes 13 terreos achégase aos cinco millóns de euros, unha vez aplicadas xa as bonificacións correspondentes e que se elevan en total a máis de 3,2 millóns.
Cómpre lembrar que desde 2015, ano no que se comezaron a aplicar este tipo de bonificacións sobre o prezo de adxudicación inicial das parcelas, a Xunta adxudicou xa 1,32 millóns de metros cadrados de solo empresarial en parques propiedade tanto do Instituto Galego de Vivenda e Solo (IGVS) como de Xestur, con bonificacións realizadas que superan en total os 43,1 millóns de euros.
SOLO ADXUDICADO HOXE POR XESTUR
PARQUE EMPRESARIAL | Nº PARCELAS | SUPERFICIE m2 | IMPORTE DE ADXUDICACIÓN € | BONIFICACIÓN € |
Sionlla (Santiago) | 1 | 3.601,00 | 471.370,90 | 202.016,10 |
Carballo | 1 | 1.608,00 | 62.788,48 | 62.788,48 |
Viveiro | 2 | 2.903,00 | 108.892,13 | 108.892,13 |
As Gándaras (Lugo) | 3 | 30.491 | 1.448.322,50 | 1.448.322,50 |
Barreiros | 1 | 1.398 | 36.800 | 34.498 |
Pereiro de Aguiar | 1 | 2.058,02 | 82.320,80 | 82.320,80 |
Mos | 4 | 26044 | 2.789.312,4 | 1.267.437,6 |
TOTAL | 13 | 68.103,02 | 4.999.807,21 | 3.206.275,61 |
Noticias de última hora en Vigo
