Xuntanza do Colexio de Xornalistas con representantes do Bloque Nacionalista Galego

Xaime Leiro e Ana González Liste, en representación do Colexio Profesional de Xornalistas de Galicia, tiveron unha xuntanza este venres en Santiago cos membros do Bloque Nacionalista Galego Olalla Rodil, Xavier Campos e Goretti Sanmartin. O encontro realizouse no cadro dos contactos do Colexio para trasladar ás principais forzas políticas os problemas do xornalismo galego.
Publicado por o día 10/07/2020 na sección de BNG,Colexio Profesional de Xornalistas de Galicia,Política,Social

Xuntanza do Colexio de Xornalistas con representantes do Bloque Nacionalista Galego

Os membros da Xunta de Goberno do Colexio Profesional de Xornalistas de Galicia Xaime Leiro Darriba e Ana González Liste reuníronse este venres en Santiago de Compostela cunha representación do Bloque Nacionalista Galego formada por Olalla Rodil, portavoz parlamentaria deste partido na Comisión de control da CRTVG, Xavier Campos, secretario xeral de comunicación, e Goretti Sanmartin, coordinadora da Executiva Nacional.

A delegación do Colexio insistiulle aos nacionalistas nalgúns dos asuntos da nosa profesión que requiren compromisos políticos e que  xa se lle remitiron por carta ás principais forzas políticas. Desde o BNG trasladouse ao Colexio de Xornalistas o “total apoio” ás súas propostas e demandas, asegurando que “unha parte moi significativa” das mesmas xa forman parte do programa desta forza política.

O Colexio de Xornalistas solicita de todas as forzas políticas un compromiso público con medidas que garantan o libre exercicio do direito de información en Galicia. Para isto, púxose a disposición dos distintos candidatos para presentarlles de maneira presencial as reclamacións máis importantes da nosa profesión. Ademais dos encontros xa realizados con Ciudadanos, a Marea Galeguista, o PSdeG, as forzas extraparlamentarias asinantes do manifesto ‘A cidadanía ten dereito a coñecer’ e o BNG, a rolda de contatos continuou hoxe con Galicia En Común – Anova Mareas.

Comentar noticia

Your email address will not be published.