Hoxe estan moi contentos de dar a benvida a un novo socio de Vigo Convention Bureau, Autocares Rías Baixas.
Trátase dunha empresa familiar galega con máis de 90 anos de experiencia no transporte, comprometida coa nosa terra e a nosa xente. O seu obxectivo é ofrecer aos clientes un servizo de calidade que garanta viaxes seguras e confortables.
Un dos alicerces básicos de Autocares Rías Baixas é o seu cualificado equipo de profesionais, formado por máis de 130 persoas entre administración, persoal de taller e condutores.
Os seus autocares contan cos últimos avances tecnolóxicos en canto a sistemas de seguridade e confort.
En concreto para eventos como congresos, Autocares Rías Baixas xestiona o transporte necesario garantindo a máxima puntualidade e calidade do servizo.
Ofrecen a posibilidade de alugar un autobús da capacidade que cada evento necesite, tanto microbuses como grandes autocares, para cubrir as necesidades comerciais, profesionais ou de lecer.
Ademais, preparan excursións a medida para que así os participantes en feiras e congresos coñezan a zona.
Dispoñen dunhas modernas instalacións de máis de 8.000 metros cadrados, con sedes en Pontevedra e Santiago. Ademais, manteñen a súa historia cun pequeno museo en Silleda, onde restauran e gardan os seus vehículos máis emblemáticos.
Unha opción ideal para que o teu evento sexa todo un éxito. Se queres máis información sobre os seus servizos podes consultala aquí.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.