A Fundación Provincial Banco de Alimentos de Vigo necesita voluntari@s para as próximas Operacións Quilo que desenvolverá tanto a finais deste mes de maio como en xuño.
Están previstas recollidas de comida no Maio Solidario organizado por Gadis o 24 e 25 de maio, así como no Zampakilos Solidario impulsado por Vegalsa-Eroski, a fin de semana do 14 e 15 de xuño. Estas dúas Operacións Quilo programadas polas propias cadeas de supermercados, requiren a presenza de voluntari@s da entidade.
Desde a ONG faise un chamamento de voluntari@ s para poder desenvolver con éxito ambas as citas solidarias que levarán a cabo en establecementos de Gadis e Vegalsa-Eroski de toda a provincia.
Porriño (25), Mos (25), Redondela (40), Moaña (30) e Pontevedra (50) son as localidades onde aínda se necesitan voluntari@s, en concreto, urxe a colaboración dunhas 170 persoas que queiran regalar catro horas do seu tempo.
Para ser voluntari@ da Fundación Provincial Banco de Alimentos só hai que darse de alta en https://www.bancoalimentosvigo.org/about- us/solicitude-de-voluntariado/ ou chamar aos teléfonos 986263022 (Vigo)/986865301 (Pontevedra).
2018, en cifras Durante o ano pasado, o Banco de Alimentos entregou preto de 1,8 millóns de quilos de comida (1.760,629 quilos), a través dos 150 colectivos sociais cos que traballa, cubrindo o 35% das necesidades das 25.000 persoas ás que axuda.
A ONG, creada en 1995, apolítica e aconfesional, dedica os seus esforzos para facer cumprir un dos dereitos humanos máis fundamentais: o acceso a unha alimentación suficiente, segura e saudable de maneira gratuíta. Desde 2014, a entidade conta con delegación propia en Pontevedra.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.