O Consello Superior de Investigacións Científicas (CSIC), a través da Misión Biolóxica de Galicia (MBG), promove o concurso escolar de debuxo “Conservación da Natureza” coa colaboración de Sociedade de Ciencias de Galicia, o Liceo Casino de Pontevedra, a Estación Fitopatolóxica do Areeiro (Deputación de Pontevedra) a través da Unidade Asociada á MBG “Sistemas Agroforestais” e ENCE-Enerxía e Celulosa.
Poden participar os escolares de entre 6 e 11 anos con debuxos que estean directamente relacionados coa natureza en xeral e a súa conservación en particular.
O prazo de presentación está aberto ata o 9 de novembro e os debuxos deben enviarse ou presentarse en sobre pechado no Liceo Casino de Pontevedra (C/ Manuel Quiroga, 21, 36002. Pontevedra).
Todos os debuxos mostraranse no Liceo Casino durante a Semana da Ciencia (19-23 de novembro) e un xurado, composto por representantes das entidades promotoras, unha docente da área de ciencias e un artista plástico, escollerá dez debuxos finalistas por categoría (6-7 anos; 8-9 anos e 10-11 anos).
De entre os dez debuxos finalistas adxudicarase un primeiro e un segundo premio. Ademais, outorgarase un premio especial aos concursantes dos municipios de Pontevedra, Marín e Poio por cada categoría. Os premios consisten en bonos trocables por material de debuxo ou librería.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.