O maior evento de iluminación urbana e técnica de Galicia se celebrará en Vigo o 26 de novembro e foi presentado hoxe mércores no Concello, coa participación do tenente de alcalde e concelleiro de Fomento, Javier Pardo, e o delegado do Comité Español de Iluminación, Ángel González.
“Vigo estará no centro do debate da iluminación intelixente e saudable no entorno 4.0”, explicou Pardo, quen destacou a colaboración do Concello e da Deputación na organización desta cita.
O concelleiro asegurou que Vigo “está no reto da mellora e modernización da iluminación do ámbito urbano” e anotou que, baixo o mandato de Abel Caballero, o Concello avanza na eficiencia enerxética a través das humanizacións que vén realizando nos últimos doce anos, con niveis de iluminación axustados ás condicións e ao seu uso ou a incorporación da tele xestión para a acendido ou apagado, entre outras.
Pardo puxo en valor a “gran redución da potencia instalada, do consumo enerxético, dos gases de efecto invernadoiro e da contaminación alumínica” realizada nos últimos anos. Desde 2007, aumentaron un 18,4% os puntos de luz pero a potencia instalada reduciuse nun 9,5%, a mesma porcentaxe de redución de emisión de gases. Ademais, Vigo instalou 10.867 novos puntos de luz LED nos últimos doce anos, que agora xa representan un 23% do total na cidade.
Con respecto á xornada, Ángel González agradeceu a “disposición absoluta” do Concello de Vigo e indicou que o 26 de novembro se debaterá das novas tecnoloxías de iluminación e da xestión do alumeado público. A nova tecnoloxía ofrece a posibilidade de replicar a luz do día, que ten que ver na saúde, entre outras.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.