O Diario Oficial de Galicia publica hoxe o plan de formación continua para o persoal da Policía Nacional, Garda Civil e da Policía Autonómica, que se van desenvolver na Academia Galega de Seguridade Pública, e que comprenden preto de 500 horas de formación dirixidas a 835 axentes.
Así, a Policía Autonómica vai a realizar no primeiro semestre 8 cursos, nos que destacan violencia de xénero e menores, así como a especialización en medio ambiente, de acordo coas súas competencias onde a loita contra o furtivismo e a protección de mulleres vítimas de violencia de xénero ocupan un lugar destacado.
A Garda Civil, no primeiro semestre deste ano, vai a levar a cabo 12 accións formativas, ademais da formación da Garda Civil de tráfico, cun programa de mandos especifico, a formación nas medidas preventivas básicas ante os incendios forestais, e cursos relacionados con aduanas, ciberdelincuencia ou lexislación marítima.
Pola súa banda, a Policía Nacional realizará un total de 18 cursos entre os que destacan a busca de persoas desaparecidas e restos humanos sen identificar, secuestros, extorsións e incidentes con rehéns, estranxeiría ou manexo de redes sociais.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.