A Fundación Provincial Banco de Alimentos de Vigo repartiu ao redor de 1,1 millóns de quilos de comida durante o primeiro semestre de 2019.
Concretamente, nos seis primeiros meses do ano, a ONG entregou un total de 1.084.378 quilos de alimentos que chegaron a unhas 25.000 persoas con dificultades na provincia de Pontevedra, unha cifra similar ao mesmo período de 2018 cando se distribuíron 1.122.815 quilos de produtos.
Neses 1.084.378 de comida repartida ata o 30 de xuño deste ano está incluída a achega do Fondo de Axuda Europea para os Máis Necesitados ( FEAD) que, como vén sendo habitual desde hai anos, a Fundación Provincial Banco Alimentos de Vigo é parte fundamental á hora da súa distribución.
Este luns renovouse o labor da entidade tras a rebaixa de actividade do mes pasado cando se entregou o dobre de comida ás entidades para facer fronte ás necesidades de agosto dos diferentes colectivos sociais cos que traballa.
A finais de setembro está prevista a primeira Operación Quilo despois do verán para poder seguir facendo amorea de produtos de primeira necesidade e que son os máis demandados.
Durante 2018, o Banco de Alimentos entregou preto de 1,8 millóns de quilos de comida (1.760,629 quilos), a través dos 150 colectivos sociais cos que traballa, cubrindo o 35% das necesidades das persoas máis desfavorecidas ás que axuda (consultar máis datos da Memoria 2018 do Banco de Alimentos aquí: Memoria)
A ONG, creada en 1995, apolítica e aconfesional, dedica os seus esforzos para facer cumprir un dos dereitos humanos máis fundamentais: o acceso a unha alimentación suficiente, segura e saudable de maneira gratuíta. Desde 2014, a entidade conta con delegación propia en Pontevedra.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.