Seguindo co obxectivo de chegar co servizo de saneamento a máis lugares, o concello de Barro está executando un proxecto para dar servizo ao lugar de Güimil, na parroquia de Agudelo e a varias casas do lugar de Outeda, na parroquia de Curro.
Este proxecto de ampliación da rede de saneamento conta cun orzamento de 51.511,90 euros e foi adxudicado á empresa Construcións Caldevergazo S.L., por ser a que presentou a mellor oferta.
Ao mesmo tempo, estanse realizando obras na depuradora da Portela para mellorar o seu funcionamento. Estas obras consisten na instalación dun sistema de tratamento previo que vai garantir que esta depuradora que na actualidade dá servizo a varios lugares das parroquias da Portela, Curro e Agudelo, funcione de maneira óptima.
As obras para a mellora desta depuradora de augas residuais contan cun orzamento de 25.000 euros e están sendo executadas pola empresa Garocaprim S.L.
O Goberno municipal continúa dando pasos para chegar co saneamento á maior cantidade de vivendas posibles, tanto é así que Concello de Barro está traballando na construción dunha nova depuradora central, que dará servizo á maior parte do concello. Nos vinceiros meses sairá a concurso público a redacción do proxecto desta nova estación de tratamento de augas residuais, para a cal o concello xa ten comprados os terreos no lugar do Carballal.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.