A portavoz nacional, Ana Pontón, considera “inasumible” o anuncio de Endesa de pechar a central térmica de Endesa e advirte de que “non se pode aceptar o peche desta central mentres non haxa alternativas viables sobre a mesa”. Neste sentido, Pontón exixe á Xunta e ao Goberno central que “deixen de bailar ao son que está marcando esta gran multinacional e se poñan xa a traballar para que haxa alternativas viables”.
Nun acto celebrado na Coruña, Pontón asegurou que a noticia “é un xarro de auga fría non só para As Pontes senón para Galiza” e recalcou que “o que non pode Endesa é pretender espremer os recursos económicos que ten Galiza e, logo, dun día para outro, deixar tirada a toda unha comarca e ao país”. Ao seu xuízo, “isto é inaceptable” e subliñou que “nin a Xunta nin o Goberno central poden seguir bailando ao son que marca esta empresa”.
Segundo manifestou a súa portavoz nacional, para o BNG “o que estamos vivindo non é unha transición enerxética xusta, o que estamos vivindo é unha nova reconversión industrial no noso país que non podemos aceptar baixo ningunha circunstancia”. Neste sentido considerou evidente a necesidade de “enfrontar o proceso dunha transición enerxética”, pero insistiu en que no caso da central das Pontes estamos ante “unha reconversión, coa complicidade da Xunta e do Goberno central”. “É dicir -recalcou- do PP e do Partido Socialista”.
“Xa está ben de que Galiza sexa a pagadora de todos os procesos de cambio e de transformación”, afirmou, para a continuación concluír que “dende logo van ter ao BNG enfronte porque non podemos permitir este espolio do país”.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.