A AGPTI abre a recepción de candidaturas para a II edición do Premio Xela Arias

Publicado por o día 02/09/2019 na sección de Cultura

A AGPTI abre a recepción de candidaturas para a II edición do Premio Xela Arias

A AGPTI abre a recepción de candidaturas para a II edición do Premio Xela Arias. Este premio recoñece o labor de empresas, entidades ou persoas que contribúan á promoción do uso do galego no mercado da tradución e da interpretación en todos os sectores económicos.

O período de recepción de candidaturas comeza hoxe e rematará o día 15 de setembro, para enviar a vosa candidatura só tedes que enviar un correo electrónico a [email protected] O gañador ou gañadora será anunciado o día 30 de setembro co gallo do DIT, o Día Internacional da Tradución.

Este ano engadimos unha novidade, a gañadora do ano anterior, María Alonso Seisdedos, incorporarase ao xurado.

A entrega do premio será, como o ano anterior, durante a Culturgal, a principios de decembro.