A Deputación de Pontevedra oferta 149 obradoiros do programa “Depo en marcha” 2019

O goberno de Carmela Silva aprobou a segunda adxudicación de 19 novas accións formativas para 11 concellos da provincia
Publicado por o día 11/08/2019 na sección de Deputación de Pontevedra

A Deputación de Pontevedra oferta 149 obradoiros do programa “Depo en marcha” 2019

A Xunta de Goberno da Deputación de Pontevedra aprobou a segunda adxudicación de obradoiros do programa “Depo en marcha”, que oferta ata 149 obradoiros para este ano 2019. Ata o momento xa se aprobaron 130 accións formativas que, coa adxudicación das 19 aprobadas na Xunta de Goberno para 11 concellos, completa o programa dirixido ás persoas maiores da provincia.

O programa “Depo en Marcha” 2019  contempla a organización de obradoiros de 30 horas de duración pola provincia de Pontevedra, englobados en oito grandes áreas temáticas: “Traballando coas mans”, “Entre fogóns”, “Aprendendo da natureza”, “Móvete”, “Activando corpo e mente”, “Enredando”, “Dálle marcha” e “En rede”. Os principais obxectivos deste programa son favorecer o envellecemento activo, optimizar as oportunidades de saúde, participación e seguridade, mellorar a calidade de vida das persoas maiores, establecer relacións sociais e favorecer a participación en actividades que melloren o seu estado anímico, así como potenciar movementos de participación e cooperación social, promover espazos de encontro e impulsar a independencia das e dos maiores para evitar o illamento e as situacións de soidade.