A psicóloga Belén Colomina, mañá nos «Directos de Afundación en casa»

I Ofrecerá a terceira sesión do obradoiro «Mindfulness para familias» que se poderá seguir en directo ás 18.00 h, mañá, martes 7 de abril, en Afundación en casa
Publicado por o día 06/04/2020 na sección de Galicia,Vigo

A psicóloga Belén Colomina, mañá nos «Directos de Afundación en casa»

A psicóloga e especialista en terapia Gestalt, Belén Colomina, dirixirá mañá, martes 7 de abril, ás 18.00 h e ata as 18.40 h, aproximadamente, a terceira sesión, en directo, do obradoiro de mindfulness enfocado a proporcionar ferramentas para facilitar a convivencia e a organización intrafamiliar, «Mindfulness para familias».

Neste encontro, Belén Colomina abordará algunhas das cuestións máis complexas xurdidas a raíz da crise sanitaria que atravesamos e que nos obriga a permanecer nos nosos domicilios. É moi posible que as familias pasen por unha dura proba de compatibilización entre tarefas escolares, domésticas, de coidados e teletraballo e, para iso, Belén Colomina dará algunhas claves acompañando a cidadanía a través de «Afundación en casa», nunha sesión de mindfulness.

«Afundación en casa» «Afundación en casa» é o novo portal web de acceso libre e gratuíto, creado a instancias de ABANCA e a súa Obra Social, no que se verte, durante esta etapa, toda a actividade que o equipo de Afundación continúa planificando e desenvolvendo desde os seus domicilios. Deste xeito, a Obra Social de ABANCA segue poñendo á disposición da cidadanía os seus proxectos culturais, sociais e formativos, mantendo o mesmo nivel de

esixencia e exercendo, tamén, un labor de acompañamento telemático para usuarios +60, que desenvolven persoas voluntarias en colaboración con traballadores da entidade. Desde casa, a Obra Social de ABANCA continúa traballando para proporcionar contidos en directo e actualizacións permanentes para consolidar Afundación, tamén na súa modalidade online, como a entidade galega de referencia no seu ámbito. Cun fondo vivo, «Afundación en casa» reflicte a intensidade e calidade da programación da Obra Social de ABANCA.

O obxectivo é acompañar á sociedade no súa deber de permanecer na casa, ofrecendo múltiplas opcións mediante as que continuar formándose e crecendo dun xeito accesible e seguro. Ademais, esta iniciativa permite manter a actividade económica nos distintos ámbitos de actuación, tanto a nivel interno da entidade, como na súa relación cos seus colaboradores externos. En definitiva, a Obra Social de ABANCA, en liña cos seus compromisos estratéxicos a prol do avance social, esfórzase por apoiar á cidadanía nestes momentos excepcionais, mirando xa cara ao futuro.

Toda esta actividade, integrada por máis de 300 recursos, é facilmente accesible nos perfís das redes sociais de Afundación baixo a etiqueta #AfundaciónEnCasa.

Comentar noticia

Your email address will not be published.