Publicado por 
A Xunta apoiará un total de 192 proxectos de biomasa en zonas rurais de Galicia que permitirán promover instalacións para a xeración de enerxía térmica mediante equipamentos que utilicen a biomasa como combustible.
O Diario Oficial de Galicia publicou a resolución destas axudas ás que se destinan 0,95M€ e que mobilizarán 2M€, contribuíndo así á dinamización económica do sector. Estes proxectos permitirán un aforro anual de enerxía de 5000MWh ao ano e de preto de 0,2M€ na subministración enerxética, ademais dunha redución de emisións de 1500 toneladas de CO2 ao ano.
Con estas axudas a Comunidade segue avanzando nunha Galicia máis verde que promove un maior respecto medioambiental fomentando a cultura do aforro enerxético e o impulso ás enerxías renovables súmanse ás convocatorias deste ano xa resoltas como as axudas de renovables a particulares –que chegan este ano a 1285 familias–; de renovables e aforro enerxético no sector agrícola primario –das que xa se concederon apoios a 173 proxectos–; de aforro enerxético na industria e servizos –con 95 iniciativas apoiadas–; ou as axudas de aforro enerxético na industria cuxo prazo está aberto ata finais de ano pero das que xa se resolveron os nove primeiros apoios.
Para reforzar estas políticas e dentro do Plan de reactivación económica, a Xunta vén de aprobar un Fondo de enerxía para autónomos e pemes, dotado con 17,2M€, co obxectivo de impulsar a competitividade empresarial mediante apoios ao fomento das renovables e da eficiencia enerxética a través de tres liñas de axudas para proxectos de fotovoltaica, aforro e eficiencia na industria e nos servizos e para renovables térmicas destinados a empresas, entidades sen ánimo de lucro e administracións públicas locais mediante concorrencia competitiva. Esta última liña, dotada con 2,7M€, xa ten o prazo de solicitude aberto e apoiará proxectos de biomasa, xeotermia, aerotermia e solar térmica. A intensidade da axuda será do 50% no caso de gran empresa, 60% mediana e 70% para pequenas empresas.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
