O Diario Oficial de Galicia publica hoxe a resolución da convocatoria de axudas destinada a entidades de iniciativa social que desenvolvan programas de atención integral dirixidos a persoas en situación de explotación sexual, inmigrantes e/ou vítimas de trata de seres humanos.

En total, a través desta convocatoria -financiada ao 80% polo Fondo Social Europeo- resultaron beneficiarias un total de 9 entidades galegas. O total do orzamento concedido ascende a preto de 450.000 euros.

As entidades beneficiarias cumpren os requisitos establecidos na convocatoria: estar inscritas no Rexistro Único de Entidades Prestadoras de Servizos Sociais; ter o seu domicilio social en Galicia ou delegación na Comunidade Autónoma; e presentar proxectos de atención integral dirixidos ás vítimas de trata ou explotación sexual, coa finalidade de apoiar a súa recuperación e integración social e laboral

Os proxectos de atención integral inclúen un amplo abano de actividades, como a atención inicial nos chamamentos realizados polas autoridades competentes, xudiciais, fiscais e policiais para a atención inmediata e asistencia social, legal ou psicolóxica; asesoramento social e actuacións de apoio directo nas relacións coas distintas entidades, organismos e servizos para a realización de trámites administrativos que permitan ás persoas beneficiarias iniciar o seu proceso de normalización social; e información e asesoramento continuado sobre os recursos dispoñibles.

Ademais, tamén se incorporan actuacións como o acompañamento, apoio e seguimento no proxecto persoal de cada persoa usuaria; a atención psicolóxica para abordar posibles trastornos emocionais e/ou condutuais; así como orientación laboral ou atención e asesoramento en traballo de rúa.

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.