Publicado por 
A Xunta de Galicia abre mañá e durante un mes o prazo de presentación de solicitudes para acollerse á nova convocatoria de subvencións dirixidas ás corporacións locais para programas de emerxencia social e inclusión social da poboación xitana, inmigrante e outras persoas en risco de exclusión. O Diario Oficial de Galicia (DOG) publica hoxe a orde que regula a concesión destas axudas.
Esta nova convocatoria conta cun orzamento de máis de 5,5 millóns de euros, cofinanciado polo Fondo Social Europeo, que triplica o importe da súa primeira convocatoria en 2013. Ademais, presenta dúas novidades importantes: amplíase o período para levar a cabo os programas subvencionados de 16 a 20 meses, para que as entidades que os impulsan conten con máis seguridade e máis continuidade; e, por primeira vez, inclúese un programa específico para a atención das persoas sen fogar.
Do orzamento total desta liña de axudas, 1,7 millóns de euros están destinados á inclusión social das persoas en situación ou risco de exclusión; 1,6 millóns euros, a programas de educación e apoio familiar para a inclusión social dos menores; 811.000 á inclusión da comunidade xitana; 810.000 euros a programas dirixidos a persoas sen fogar e 661.000 euros á inclusión da poboación inmigrante.
As actividades subvencionadas poderán realizarse desde o 1 de novembro de 2019, cando vence a orde anterior, ata o 30 de xuño de 2021. Serán financiadas aquelas accións coas que se adquira formación básica ou laboral adaptada ás necesidades dos destinatarios; as que realicen actuacións de mediación intercultural ou de carácter residencial; programas de educación e apoio familiar; e aquelas que invistan en melloras en centros de inclusión e emerxencia social, desde a súa construción e adquisición de mobiliario e equipamento ata a prestación dos servizos propios do centro.
Este programa ten unha grande acollida por parte das corporacións locais, xa que en todas as convocatorias se financiaron o 100% dos proxectos presentados. No 2018 o número de concellos beneficiarios pasou de 46 a 51 e os programas financiados aumentaron en 90 ata acadar os 164.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.