A Fundación Provincial Banco de Alimentos necesita con urxencia do compromiso e xenerosidade de aínda 600 voluntari@s para poder levar a cabo con éxito a sua Gran Recollida (GR2019) dos próximos 22 e 23 de novembro.

Por zonas, a ONG precisa aínda de 400 voluntari@s para recoller alimentos en supermercados de Vigo, Redondea, Moaña, Mos e Porriño, así como doutros 200 máis para cubrir Pontevedra e comarca. Trátase de doar unha media de catro horas a favor da entidade facilitando as doazóns de comida que as persoas queiran realizar.

A GR2019 mobilizará 2.000 voluntari@ s e estará presente en preto de 160 superficies comerciais de Vigo e Pontevedra, así como das comarcas do Morrazo, Val Miñor, Baixo Miño, O Salnés ou e Deza. O ano pasado recolléronse 330.000 quilos de comida, o obxectivo do Banco de Alimentos é igualar, polo menos, dita cifra.

Como facerse voluntario Para ser voluntario do Banco de Alimentos hai que chamar ao 986 263022 ou cubrir un formulario colgado na web https://www.bancoalimentosvigo.org/about-us/solicitud-de-voluntariado/

Padriño ou madriña?

O próximo 15 de novembro a ONG desvelará quen será o substituto ou a substituta do actor e humorista David Amor, padriño da última GR. Devandito personaxe público recibirá o peto de voluntari@ durante un acto previsto na nave de Lavadores, para logo, pola tarde, visitar o almacén de alimentos situado en Pontevedra.

Durante os seis primeiros meses de 2019, o Banco de Alimentos repartiu preto de 1,1 millóns de quilos. En 2018, entregou ao redor de 1,8 millóns de quilos de comida (1.760,629 quilos), a través dos 150 colectivos sociais cos que traballa, cubrindo o 35% das necesidades das 20.000 persoas máis desfavorecidas ás que axuda.

A ONG, que cumpre nestas datas 25 anos de actividade, apolítica e aconfesional, dedica os seus esforzos para facer cumprir un dos dereitos humanos máis fundamentais: o acceso a unha alimentación suficiente, segura e saudable de maneira gratuíta. Desde 2014, a entidade conta con delegación propia en Pontevedra.