Publicado por 
O incendio que afectou onte a un almacén en Vilalba reavivouse esta mañá e afectou a unha oficina do local que ardeu por completo, sen rexistrarse danos persoais.
Foi unha persoa particular quen alertou dos feitos ao 112 Galicia pasados uns minutos das 7:15 horas.
Acto seguido, os xestores do CIAE 112 Galicia solicitaron a intervención dos Bombeiros de Vilalba, da Policía Local, da Garda Civil e do Servizo Municipal de Protección Civil.
Unha vez sufocado o incendio, os membros do Servizo de Prevención, Extinción de Incendios e Salvamento da localidade permaneceron no almacén revisando as zonas afectadas.
Incendio nun edificio abandonado na Coruña
Por outra banda, un incendio declarado a pasada tarde nun edificio abandonado na rúa de Monforte, na Coruña, mobilizou aos servizos de emerxencia. Segundo os datos facilitados ao 112 Galicia, arderon dúas habitacións situadas no segundo andar.
Foi unha persoa particular quen alertaba ao 112 Galicia ás 20:40 horas. Decontado, os xestores do CIAE 112 Galicia pasaron o aviso aos Bombeiros da Coruña, á Policía Local, á Agrupación de Voluntarios de Protección Civil e a Urxencias Sanitarias de Galicia-061.
Polo momento, descoñécense as causas que provocaron o lume.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
