Atopan un corpo sen vida no Barrio de Ribadavia de Vigo

Publicado por o día 06/09/2020 na sección de Galicia,Vigo

Atopan un corpo sen vida no Barrio de Ribadavia de Vigo

Ao fío das 19:30 horas deste sábado, unha persoa particular informaba ao 112 Galicia que acababa de atopar a unha persoa tendida no chan, nunha finca abandonada situada na Rúa Ribadavia, en Vigo.

Con estes datos, pasouse aviso ao Servizo de Urxencias Sanitarias de Galicia-061, que decontado solicitaron a colaboración das Forzas da Orde, posto que, a persoa podía estar falecida.

Do mesmo xeito,  os xestores do 112 puxeron os feitos en coñecemento dos axentes da Policía Nacional e Local.

Tras confirmar que a persoa estaba falecida, os axentes tratan de esclarecer os feitos.

Accidente mortal en Moaña

Por outra banda, o 112 Galicia tivo constancia doutro suceso mortal no Porto Deportivo de Moaña. Segundo a informaron recibida polos axentes da Garda Civil, un barco que atracaba no Peirao ao manobrar estrullou á persoa contra o espigón.

O 112 Galicia preto das 21:30 horas, recibía a chamada dun particular que solicitaba asistencia sanitaria para unha persoa que sufrira un accidente nun barco, polo que, decontado desde o 112 Galicia pasouse aviso ao Servizo de Urxencias Sanitarias de Galicia-061.

Pasadas ao redor de dúas horas, o  112 Galicia puido saber que a persoa falecera durante o traslado ao centro hospitalario.

Comentar noticia

Your email address will not be published.