A Escola Feminista para a Mocidade oferta cinco cursos para promover a mirada crítica entre mozos e mozas

Está dirixido a persoas de entre 15 e 35 anos e a inscrición pode facerse en liña en apuntate.pontevedra.gal a partires de mañá
Publicado por o día 14/10/2019 na sección de Galicia,Pontevedra

A Escola Feminista para a Mocidade oferta cinco cursos para promover a mirada crítica entre mozos e mozas

Desde hoxe luns 14 de outubro será posible anotarse para participar na Escola Feminista para a Mocidade que impulsa o Concello de Pontevedra.

Trátase dunha iniciativa que pretende promover entre as persoas mozas a reflexión e unha mirada crítica sobre os parámetros da sociedade patriarcal, para impulsar comportamentos máis xustos e acordes coa igualdade de xénero.

Impartiranse cinco cursos destinados a persoas con idades comprendidas entre os 15 e os 35 anos, podendo inscribirse a través da web apuntate.pontevedra.gal.

Tres dos cursos son mixtos, mentres que o de autodefensa feminista só admitirá mozas, e o que versa sobre ‘masculinidades disidentes’ será específico para xóvenes. Todos ofertan 20 prazas, excepto o de ‘olladas feministas’ que oferta 25.

Por data de celebración, o primeiro curso será ‘Mediación en igualdade e novos feminismos’ previsto para os días 31 de outubro, 7, 14 e 28 de novembro e 5 e 12 de decembro. Seguiralle o ‘Curso de oratoria desde a perspectiva de xénero: perdendo o medo para falar en público’ que se desenvolverá os días 4, 6, 11, 13 e 18 de novembro.

O terceiro desenvolverase nunha única xornada, o sábado 9 de novembro, e leva por título ‘Olladas feministas: taller crítico a través de prácticas artísticas e  treatro dxs oprimidxs’. Tamén nunha soa xornada, o 16 de novembro, desenvolverase o ‘Obradoiro de  autodefensa feminista e empoderamento’.

Para pechar a programación, o último dos talleres terá lugar o 14 de decembro e leva por título ‘Na procura de  masculinidades disidentes: outra maneira de ser home’.

Comentar noticia

Your email address will not be published.