Pasear polo monte, descubrir recunchos da túa cidade ou vila ou poñerse en forma. A bicicleta ofrece unha chea de opcións, sobre todo cando disfrutamos do bo tempo. Ante situacións imprevistas, un xogo básico de ferramentas, podería ser de gran axuda.

Dende o 112 Galicia e noticiasvigo.es agardamos que goces da túa ruta, pero tamén che pedimos que teñas en conta estos consellos.

• Revisa que a túa bicicleta se atope en bo estado, antes de saír a rodar
• Non esquezas levar contigo o teu kit básico de ferramenta
• Vai sempre documentado co teu DNI ou pasaporte
• Circula con responsabilidade e respecto cara ao resto dos usuarios da estrada. Non estaría de máis que transmitises as túas intencións (cambiar de carril, dar volta…) aos demais usuarios a través de sinais manuais
• Non consumas alcol/drogas
• Se circulas por estrada, lembra que é uso do casco é obrigatorio
• Evita o uso de auriculares para escoitar o IPOD ou a radio, así como usar o teléfono móbil. Poden xogarche unha mala pasada
• Faite ver en situacións de escasa visibilidade, utiliza vestimenta de cores brillantes, chaleco reflector, luces…
• Non circules en pelotón. Na estrada, de dous en dous como máximo. Se non houbese beiravía, tenta que a circulación sexa dun en un
• Lembra que na estrada debes circular pola beiravía e, no seu defecto, pegado á dereita
• Utiliza os carrís bici cando circules por cidade e, no seu defecto, polo carril da dereita da calzada. Nunca vaias polas beirarrúas
• Respecta os sinais de alto, de ceda ao paso, cruces peonís… Detente e asegúrate que non veñen outros vehículos ou peóns
• Se practicas Bicicleta de Montaña (BTT) e circulas por lugares illados, podes facer uso da APP móbil Alpify. Esta aplicación axuda á xeolocalizar persoas en caso de apuro xa sexa en zonas urbanas ou de montaña. Lembra que a podes descargar de forma gratuíta na seguinte ligazón
• Se sofres algún contratempo chama ao 112

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.