Publicado por 
Intercambio de experiencias, charlas-coloquio e o máis importante a exposición por parte das e dos protagonistas do traballo feito nos centros de ensino participantes no Consello da Muller Nova (CMN). Son os vimbios do I Congreso de Igualdade do Consello da Muller Nova (CMN) que se vai a desenvolver o sábado 6 de setembro no Pazo da Cultura e no que participarán arredor de 150 alumnas e alumnos de Secundaria (de 1o da ESO a 1o de Bacherelato).
Os CMN de sete centros da cidade farán un pequeno relatorio do traballo desenvolvido no pasado curso (de 16.00 a 17.00 horas):
- O mito do amor romántico, IES Sánchez Cantón
- A muller no mundo do traballo, IES Frei Martín Sarmiento
- Os estereotipos de xénero da música actual, IES A Xunqueira I
- Novos xeitos de ser home ou muller, CIFP A Xunqueira
- Sexismo nos medios de comunicación. Lingua e publicidade, IES As Calasancias
- Violencia de xénero explícita nos estilos musicais, IES Luis Seoane
- As mulleres no espazo urbano, IES Torrente Ballester
Unha actuación da cantante Sés porá o ramo a unha cita que ten na igualdade e o respecto a diversidade sexual o seu fío condutor.
Nos Consello da Muller Nova participan alumnado e profesorado de todos os institutos da cidade agás do IES Valle Inclán e após dun período de maduración no que os contidos estiveron dirixidos pola Concellería de Igualdade, entra neste curso nunha nova fase. “Agora van un chanzo máis alá, cada CNM elaborará o proxecto a desenvolver e pediranos o soporte e colaboración que precisen” explicou a concelleira de Igualdade, Carme Fouces durante a presentación do congreso.
O I Congreso de Igualdade será tamén escenario da entrega dos Premios Ernestina Otero Sestelo, orientados este ano por vez primeira á Educación Infantil, Primaria e Secundaria. O neto da mestra que da nome aos galardóns que distinguen proxectos educativos innovadores e relevantes en canto á incorporación da perspectiva de xénero, Manuel Puga estará presente na entrega dos premios.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.