Publicado por 
A Deputación de Pontevedra organiza esta fin de semana a través do programa “En ruta coa Depo” tres novas excursións nas que participarán máis de 200 persoas de tres concellos da provincia de Pontevedra. En concreto, trátase de 216 veciñas e veciños de Cambados, Vigo e A Guarda, que percorrerán distintos enclaves das comarcas so Salnés e do Morrazo.
Máis polo miúdo, 108 persoas da Asociación de Veciños e Veciñas O Batuqueiro de Vilariño, de Cambados, visitarán Cangas este sábado para coñeceren o conxunto histórico, a igrexa do Hío, o miradoiro da costa de Soavela e Cabo Home. Nesta ruta tamén pararán en Bueu e visitarán o Museo Massó e Cabo Udra.
Tamén o sábado, 54 usuarios e usuarias da Asociación da Sociedade Cultural Recreativa e Deportiva Xestas de Vigo percorrerán diferentes puntos do Salnés. Visitarán a illa da Toxa, darán un paseo en barco pola ría e coñecerán o Museo da Salga, o centro do Grove e o xacemento da Lanzada. Da mesma ruta poderán gozar o domingo 25 de agosto outras 54 persoas da Fundación Las Samaritanas da Guarda.
O programa “En ruta coa Depo 2019” oferta este ano máis de 20.000 prazas e 32 rutas para gozar dun día de convivencia, con xantar e transporte incluídos, por lugares emblemáticos da provincia. Con esta iniciativa a Deputación de Pontevedra pretende crear espazos de unión e convivencia impulsando a igualdade de acceso aos recursos turísticos, especialmente para as persoas con diversidade funcional. O programa pretende tamén dar a coñecer os distintos lugares da provincia de Pontevedra, dotar as asociacións de recursos para promover o envellecemento activo e promover os recursos máis importantes das Rías Baixas para que a xente os coñeza, se poida sentir orgullosa deles, coide o medio ambiente e adquira novos valores de respecto ao contorno.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
