O Diario Oficial de Galicia (DOG) publica hoxe tres resolucións da Consellería do Medio Rural polas que se dá conta das subvencións concedidas no 2017 para impulsar a calidade dos produtos agroalimentarios galegos e facer promoción deles nos diferentes mercados.

En conxunto, o departamento que dirixe Ángeles Vázquez destinou o pasado ano máis de 3,6 millóns de euros a esta finalidade. Deles, case 2,9 millóns serviron para apoiar a diferentes agrupacións de produtores (28 en total) para a realización de actividades de información e promoción destes produtos con calidade diferenciada.

Outros 480.000 euros financiaron os gastos de funcionamento dos diferentes consellos reguladores das denominacións e indicacións xeográficas protexidas da nosa comunidade e, por último, 300.000 euros máis dedicáronse a sufragar programas de calidade desenvolvidos por estas mesmas entidades.

Con estes fondos, a Xunta fomenta a calidade das producións agroalimentarias galegas e favorece, así mesmo, a realización dos necesarios controis que garanten esa excelencia. Por outra banda, colabórase cos diferentes consellos reguladores no seu labor de fomento e promoción de toda esta riqueza.

Os enlaces ás tres resolucións son os seguintes:

Axudas aos consellos reguladores para gastos de funcionamento:

https://www.xunta.gal/dog/Publicados/2018/20180220/AnuncioG0426-120218-0004_gl.html

Axudas para programas de calidade:

https://www.xunta.gal/dog/Publicados/2018/20180220/AnuncioG0426-120218-0006_gl.html

Axudas para actividades de información e promoción:

https://www.xunta.gal/dog/Publicados/2018/20180220/AnuncioG0426-120218-0007_gl.html

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.