O BNG de Vigo propón habilitar zonas de xogo para as crianzas nas beirarrúas

A fronte nacionalista defende aplicar esa iniciativa que xa se puxo en marcha na cidade de Lugo
Publicado por o día 05/05/2020 na sección de BNG,Galicia,Política,Vigo

O BNG de Vigo propón habilitar zonas de xogo para as crianzas nas beirarrúas

O Bloque Nacionalista Galego anunciou esta mañá que proporá ao Goberno municipal de Vigo a habilitación de zonas de xogo pintadas nas beirarrúas na cidade para as crianzas.

O concelleiro, Xabier P. Igrexas, defendeu esta iniciativa para facer máis “amigábel e divertido” o espazo urbano para a cativada durante a desescalada do confinamento.

Igrexas que lembrou que esta iniciativa xa se puxo en marcha, a proposta do BNG, na cidade de Lugo. “As pequenas e os pequenos soportaron moitas semanas de confinamento e agora que os parques infantís seguen fechados, estas zonas de xogo farían máis agradábel os paseos permitíndolles brincar de maneira segura ao aire libre”, defendeu.

O portavoz municipal nacionalista chamou a dar un paso máis no proceso de “democratización do espazo público” coas novas peonalizacións que se están a realizar na cidade nos últimos días, pensando nas máis pequenas e pequenos.

Comentar noticia

Your email address will not be published.