O Concello concedeu esta semana axudas de emerxencia a outras 58 familias

Un total de 117 persoas están acollidas a día de hoxe nos albergues e hostais da cidade a cargo do Concello. Ademais, o alcalde sinalou que foron aprobadas novas axudas de emerxencia para atender as necesidades das familias viguesas e que o importe total desde o inicio da pandemia suma xa máis de 1,6 millóns de euros.
Publicado por o día 22/01/2021 na sección de Galicia,Concello de Vigo,Vigo

O Concello concedeu esta semana axudas de emerxencia a outras 58 familias

O alcalde de Vigo, Abel Caballero, informou este mércores de que a o Concello de Vigo aprobou na comisión do martes outras 58 axudas adicionais de emerxencia por importe de 15.424,54 euros. En total, desde marzo do pasado ano, xa foron entregadas 11.675 achegas por importe de 1.643.737,81 euros.

Ademais, o rexedor sinalou que a día de hoxe hay aloxadas 117 persoas sen recursos. No albergue municipal de Marqués de Valterra hai 38 prazas ocupadas (máis outra persoa na cama cero a pasado noite); na Fundación Santa Cruz hai 12 persoas aloxadas e outras 67 están en hostais e hoteis custeados polo Concello.