O polígono de Barro acolle durante este mes de setembro catro novas accións formativas do programa “Smartpeme” da Deputación de Pontevedra. Este programa céntrase na adaptación das empresas e os proxectos emprendedores da provincia ao novo escenario dixital no que desenvolver as súas actividades e aproveitar as ferramentas existentes co obxectivo de aumentar a súa competitividade. Deste xeito, “SmartPeme” ofrécelles ás persoas emprendedoras e pemes da provincia unha serie de servizos de información, análise, asesoramento, capacitación, demostración, acompañamento e titorización no ámbito das TIC, sempre da man das propias implicadas e implicados e coa colaboración das asociacións empresariais e de mozas e mozos autónomos.

Estes cursos abordarán a robótica con App Inventor en distintos niveis. A primeira sesión terá lugar este xoves 5 de setembro, mentres que o segundo curso se desenvolverá o xoves 12 de setembro. O nivel tres abordarase na sesión do xoves 19 de setembro e, por último, o cuarto módulo terá lugar o xoves 26 de setembro. En todos os casos o horario será das 17 ás 21 horas.

Os obradoiros impartiranse no Fab Lab do Centro de Servizo e Apoio Empresarial anexo ao Viveiro de Empresas do polígono de Barro e, para este itinerario formativo, precísase ter un ordenador portátil con navegador Chrome, unha conta de Google e un dispositivo (móbil ou tableta) Android. As inscricións para participar nas accións formativas pódense facer no número de teléfono 886 202 020, no correo electrónico info.smartpeme@depo.esou na páxina web www.smartpeme.depo.gal.

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.