Publicado por 
Un edificio ocupado en pleno centro de Vigo e o que se ve é sucidade, bolsas de lixo, mobles… Está todo amontoado e o mal cheiro chégalles aos veciños. O edificio non terminou de construírse e pasou a ser propiedade dun banco. Viven unha decena de okupas un deles ata cobra un aluguer ao resto.
Os veciños aseguran que non son conflitivos, pero teñen medo de que as condicións nas que viven poidan ocasionarlles problemas. Aseguran que cociñan con cámping gas e houbo conatos de incendio.
O bloque lindeiro xa ten filtracións de auga, os veciños denunciaron e agora o banco ten que arranxar os danos. Pero estando dentro os okupas temen que non se ocupen do problema e teñan que vivir con iso.
O Alcalde
O alcalde de Vigo, Abel Caballero, dixo este mércores que esixirá a Sareb que finalice un edificio da súa propiedade situado á beira da céntrica Praza de España e que foi tomado por okupas.
“Nós non temos ningunha denuncia en contra dese edificio, pero a raíz do coñecemento que teño neste momento voulle a urxir á Sareb que poña ese edificio en condicións e acabe a obra”, dixo o alcalde en rolda de prensa.
O edificio, no número 54 da Gran Vía viguesa, fai esquina coa Rúa Honduras e xa foi noticia o pasado marzo, cando os Bombeiros tiveron que acudir a sufocar un incendio provocado por persoas sen fogar na planta baixa do edificio.
Desde entón, o número de indixentes non parou de aumentar e, segundo os veciños, incluso se mudaron a el familias durante a pandemia.
Inacabado desde hai anos, o edificio, con seis plantas e baixo cuberta, estaba destinado a vivendas de luxo polas que se chegaron a pedir máis de medio millón de euros, pero acabou en mans do chamado banco malo e actualmente carece de servizos básicos, como auga corrente e electricidade.
“É intolerable que a Sareb teña un edificio no centro de Vigo sen acabar, a medio camiño, e sen, xa que logo, cumprir coa súa obriga, que é atender as necesidades da cidade e ter o seu lexítimo beneficio, como corresponde”, engadiu o alcalde.
Tapiado precariamente con taboleiros, ninguén sabe exactamente en que condicións está actualmente o interior do inmoble pero os veciños da zona presumen unha notable ausencia de hixiene á que Sareb deberá porlle fin.
“Non lle imos a tolerar que teña un edificio abandonado”, dixo alcalde.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
