Un grupo de adestramento da Policía Nacional foi rescatado ileso ao envorcar a súa embarcación no porto de Burela

Publicado por o día 20/01/2021 na sección de Sucesos

Un grupo de adestramento da Policía Nacional foi rescatado ileso ao envorcar a súa embarcación no porto de Burela

Unha embarcación de adestramento da Policía Nacional de Viveiro envorcou a pasada noite preto do porto de Burela, en Lugo.

Foron os propios axentes os que chamaron ao 112 Galicia para alertar do suceso mentres realizaban prácticas a cinco millas do porto de Celeiro.

Desde o Centro Integrado de Atención ás Emerxencias de Galicia, os feitos puxéronse en coñecemento de Salvamento Marítimo de Fisterra que, tras obter a posición da embarcación, mobilizou a Salvamar e o helicóptero Pesca II. Ademais, os xestores do 112 Galicia deron o aviso á Garda Civil de Lugo, aos membros de Protección Civil de Burela, aos profesionais do 061 e á Sala de Gardacostas de Galicia.

Finalmente, o persoal de Salvamento Marítimo remolcou a lancha policial cara ao porto de Burela sen a necesidade de mobilizar máis recursos de rescate.

Cómpre sinalar que no exercicio de adestramento policial estaban a  participar un total de 16 persoas en dúas embarcacións, das que só precisou auxilio unha na que tripulaban arredor de seis persoas.

Comentar noticia

Your email address will not be published.