Unha nova proposta para o público infantil no «Obradoiro de artes plásticas» semanal de Afundación en casa

Todos os martes se presentarán en Afundación en casa interesantes e imaxinativas propostas de creación manual para os máis pequenos
Publicado por o día 04/05/2020 na sección de Eventos

Unha nova proposta para o público infantil no «Obradoiro de artes plásticas» semanal de Afundación en casa

Afundación en casa presenta a súa nova iniciativa para as máis pequenas e os máis pequenos da casa enmarcada na súa sección Educación en casa. Trátase de «Obradoiro de artes plásticas», na que todos los martes se presentará unha sesión dedicada a fomentar a creatividade mediante o traballo á man. Mañá, martes 5 de maio, farase un obradoiro de estampado con ceras e clip inspirado nunha obra de Luis Caruncho.

«Afundación en casa»

«Afundación en casa» é o novo portal web de acceso libre e gratuíto, creado a instancias de ABANCA e a súa Obra Social, no que se verte, durante esta etapa, toda a actividade que o equipo de Afundación continúa planificando e desenvolvendo desde os seus domicilios. Deste xeito, a Obra Social de ABANCA segue poñendo á disposición da cidadanía os seus proxectos culturais, sociais e formativos, mantendo o mesmo nivel de esixencia e exercendo, tamén, un labor de acompañamento telemático para usuarios +60, que desenvolven persoas voluntarias en colaboración con traballadores da entidade. Desde casa, a Obra Social de ABANCA continúa traballando para proporcionar contidos en directo e actualizacións permanentes para consolidar Afundación, tamén na

súa modalidade online, como a entidade galega de referencia no seu ámbito. Cun fondo vivo, «Afundación en casa» reflicte a intensidade e calidade da programación da Obra Social de ABANCA.

O obxectivo é acompañar á sociedade no súa deber de permanecer na casa, ofrecendo múltiplas opcións mediante as que continuar formándose e crecendo dun xeito accesible e seguro. Ademais, esta iniciativa permite manter a actividade económica nos distintos ámbitos de actuación, tanto a nivel interno da entidade, como na súa relación cos seus colaboradores externos. En definitiva, a Obra Social de ABANCA, en liña cos seus compromisos estratéxicos a prol do avance social, esfórzase por apoiar á cidadanía nestes momentos excepcionais, mirando xa cara ao futuro.

Toda esta actividade, integrada por máis de 300 recursos, é facilmente accesible nos perfís das redes sociais de Afundación baixo a etiqueta #AfundaciónEnCasa.

Comentar noticia

Your email address will not be published.