Este Xoves, na Libraría Cartabón da rúa Urzáiz, o Ateneo Atlántico, a editorial Laiovento e Xose Manuel Beiras presentan o seu novo libro titulado “Nuredin o taxista e Amedine o pintor“.

O libro é unha reportaxe, unha crónica e unha narración; un conxunto de textos escritos a raiz de dúas xuntanzas do Consello Internacional do Foro Social Mundial o que explica o seu subtítulo de “Crónicas e figuracións dun transmundo colonial”. Ainda que o volume trata, dende diferentes puntos de vista, a problemática do colonialismo tanto explícito como non explícito, o propio autor, fala del como unha obra “máis literaria que ensaistica“.

O acto celebrarase este xoves, 6 de xuño, ás 20:15h, na Libraría Cartabón

Presenta polo Ateneo Atlántico a escritora e crítica literaria, Laura Caveiro, acompañando a propio autor, Xose Manuel Beiras.

Entrada libre e gratuita ata completar aforo (50 persoas)