19 galegos seleccionados para desafiar á súa diabetes no reto ’Camiña pola diabetes’

Esta iniciativa, que conta co apoio de Novo Nordisk, busca motivar ás persoas con diabetes a realizar exercicio físico de maneira habitual e concienciarlles da importancia que este ten para o mantemento da saúde
Publicado por o día 27/05/2019 na sección de Salud,Social

19 galegos seleccionados para desafiar á súa diabetes no reto ’Camiña pola diabetes’

A Fundación para a Diabetes seleccionou a 19 persoas con diabetes tipo 1 e tipo 2 de Galicia tras seis meses de adestramento e centos de quilómetros percorridos, os peregrinos, xunto a outros 81 de toda España afrontarán, do 15 ao 19 de xuño, cinco etapas do camiño con meta en Santiago de Compostela que nace e morre en Galicia, o Camiño Inglés.

Este ano, o reto ‘Camiña pola Diabetes’, para o que a Fundación para a Diabetes contou co apoio de Novo Nordisk e distintas asociacións locais, terá o seu punto de partida na localidade de Neda, desde a que partirán o 15 de xuño ata culminar os 109 quilómetros en Santiago de Compostela, o 19 de xuño. Durante eses días, os peregrinos terán a oportunidade de camiñar xunto ao mar, facer parada nas poboacións de Pontedeume e Betanzos, e ir aos poucos introducíndose na Galicia rural, pasando por Hospital de Bruma e Sigüeiro, e finalizando con éxito na capital de galega.

Durante os cinco días que permanezan camiñado, segundo asegurou Ana Mateo, Xerente da Fundación para a Diabetes, “non só botarán un pulso á súa diabetes, senón que tamén viaxarán ao centro da mesma, afrontando o día a día de cada etapa, compartindo experiencias, e o máis importante, servindo de exemplo para millóns de persoas en España”. Neste sentido, matizou que, grazas a esta actividade, “demostrarase que non existen límites e que é importante incorporar a actividade física á rutina diaria e mellorar os hábitos alimentarios para axudar a controlar a diabetes tipo 1 e 2 e reducir posibles complicacións”.

A escasas semanas de facer fronte a este desafío, a motivación e a ilusión asolagan os corazóns dos 19 peregrinos de Galicia que, coa mochila en man, as zapatillas calzadas e un sorriso de orella a orella esperan impacientes deixar a súa primeira pegada no camiño.

Estudo prospectivo observacional

Durante o Camiño, un equipo de profesionais sanitarios voluntarios encargarase de recoller datos relativos ao número de hipoglucemias e hiperglucemias experimentadas polos peregrinos e asociadas ao exercicio físico durante a súa participación no reto ‘Camiña pola Diabetes’, co obxectivo de estudar os efectos do exercicio sobre o nivel de glicosa en sangue.

Acerca da Fundación para a Diabetes

A Fundación para a Diabetes é unha entidade que aposta por un estilo de vida saudable e pon ao dispor da poboación as ferramentas necesarias para previr a diabetes e as súas complicacións asociadas, así como para levar un bo control da diabetes. Actúa enerxicamente para crear unha conciencia social e un amplo coñecemento de diabetes e traballa pola integración das persoas con diabetes en todos os ámbitos da vida. A web da Fundación para a Diabetes conta cunha canle de prensa dirixido a xornalistas interesados, onde poderán atopar información e un completo arquivo de recursos gráficos relacionados.

Sobre Novo Nordisk

Novo Nordisk é unha compañía global de coidados sanitarios con 95 anos de innovación e liderado no coidado da diabetes. Esta herdanza deulle a experiencia e a capacidade adecuadas para axudar ás persoas que padecen outras graves patoloxías crónicas: hemofilia, trastornos do crecemento e obesidade. Novo Nordisk ten a súa sede central en Dinamarca, emprega a unhas 42.700 persoas en 79 países e comercializa os seus produtos en máis de 170 países. Para máis información, visite novonordisk.com, Facebook, Twitter, Linkedin, YouTube.

Comentar noticia

Your email address will not be published.