A Consellería de Política Social publica no Perfil do contratante da Consellería de Política Social a licitación da Unidade de Primeira Acollida (UPA) na provincia de Pontevedra para a atención de menores en situación de risco. Esta unidade terá un máximo de 10 prazas e o prazo para a presentación de ofertas de contratación finaliza o 15 de maio.

A Unidade de Primeira Acollida ten como finalidade atender de maneira urxente, inmediata e nun horario continuado de 24 horas a aqueles nenos, nenas e adolescentes (de entre 0 e 17 anos) que se atopan nunha situación de posible maltrato ou desamparo que aconsella o seu ingreso nunha institución. O obxectivo deste recurso é dar resposta inmediata a unha situación de emerxencia dun menor, en tanto se avalía a situación na que se atopa.

Desta maneira, neste servizo recibirase ao menor en situación de desprotección proporcionándolle de xeito inmediato un contexto de seguridade e protección. O equipo de profesionais encargado da unidade encargarase ademais de realizar un informe inicial sobre a situación do menor.

A permanencia está limitada a 45 días, xa que unha vez avaliado o neno, nena ou adolescente deberá decidirse se é preciso adoptar unha medida de protección máis estable, como o acollemento familiar ou residencial, ou ben proceder ao seu reintegro na familia, se se constata que non existe causa de desprotección. Neste último caso tamén se pode completar a intervención cun programa de apoio familiar.

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.