Publicado por 
As actividades do Campamento Urbano desenvolveranse durante os meses de xullo, agosto e a primeira semana de setembro no antigo colexio Sinde.
A Oficina Municipal de Información á Xuventude (OMIX) do Concello da Guarda impulsa unha nova edición do Campamento Urbano durante os meses de xullo e agosto e a primeira semana de setembro. Esta é unha actividade dirixida a nenas e nenos de 4 a 12 anos na que poderán realizar diversos obradoiros, xogos e outras actividades culturais e deportivas nun entorno educativo e de convivencia.
As actividades desenvolveranse nas instalacións do antigo colexio Sinde en horario de mañá (de 9:00 a 14:00 h), de luns a venres. O prezo de participación por persoa será de 60€ para aqueles que se incriban nun só mes, e de 80€ para aqueles que participen na totalidade do campamento (xullo, agosto e primeira semana de setembro). Estes últimos terán prioridade na adxudicación de prazas.
O prazo de inscrición permanecerá aberto entre os días 4 e 21 de xuño. As persoas interesadas en participar deberán entregar a folla de solicitude (descargable aquí), xunto coa documentación mencionada nas bases (descargables aquí), presencialmente no Rexistro municipal ou ben a través ou a través da Sede Electrónica do Concello da Guarda. Para máis información, poderán contactar coa OMIX no teléfono 986 614 546 ou a través do correo electrónico información@aguarda.es.
O Campamento Urbano é unha actividade organizada pola Concellería de Xuventude co obxectivo de favorecer a conciliación da vida laboral e familiar dos guardeses e guardesas durante as vacacións escolares. A actividade conta co financiamento da Secretaría Xeral da Igualdade e o Fondo social Europeo.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.