Citas para a renovación do DNI na Guarda nos últimos meses de 2019

Publicado por o día 29/05/2019 na sección de A Guarda,Galicia

Citas para a renovación do DNI na Guarda nos últimos meses de 2019

O vindeiro luns día 3 de xuño de 2019 xa se poderán solicitar as citas para a visita das unidades móbiles no concello para a renovación do Documento Nacional de Identidade (DNI) correspondentes aos derradeiros meses de 2019.

A apertura do prazo para a solicitude de novas citas nos meses setembro, outubro, novembro e decembro ofertadas pola unidade móbil do Corpo Nacional de Policía de Vigo comezarán o luns día 3 de xuño de xeito presencial de 8:30h a 14:00h na Casa dos Alonsos e a partires do 4 de xuño de xeito telefónico no 986 61 0000 nas extensións 1 e 2.

Ata entón, aquelas persoas que de xeito urxente necesiten realizar a renovación do seu DNI, poderán acudir ás oficinas de expedición de Tui (na rúa Párroco Rodríguez Vázquez, 3) ou Vigo (rúa Álvaro Cunqueiro, 6) previa solicitude de cita no teléfono 060 ou ben a través da páxina web www.citapreviadni.es.