Dúas persoas feridas, unha delas evacuada en helicóptero, nunha colisión entre unha moto e un coche en Mondariz

Publicado por o día 11/07/2020 na sección de Galicia,Mondariz,Sucesos

Dúas persoas feridas, unha delas evacuada en helicóptero, nunha colisión entre unha moto e un coche en Mondariz

Dúas persoas que circulaban nunha moto resultaron feridas esta tarde ao colidir contra un turismo en Mondariz. Segundo os datos facilitados ao 112 Galicia, unha delas foi evacuada nun helicóptero medicalizado mobilizado por Urxencias Sanitarias de Galicia-061. Pola súa banda, a outra persoa ferida foi trasladada nunha ambulancia ao centro hospitalario de referencia.

O accidente produciuse no lugar da Igrexa, na parroquia de Sabaxáns, ás 18:00 horas. Nese momento, o persoal sanitario alertaba do sinistro ao 112 Galicia.

Decontado, desde o Centro Integrado de Atención ás Emerxencias (CIAE) 112 Galicia púxose a situación en coñecemento da Garda Civil de Tráfico, dos Bombeiros do Baixo Miño, do GES e Bombeiros de Ponteareas e da Agrupación de Voluntarios de Protección Civil de Oitavén-Tea.

Comentar noticia

Your email address will not be published.