IESIDE presenta a masterclass «Cóntame un conto. O poder das historias na era dixital» no seu Campus de Vigo (avda. de Madrid, 60). Terá lugar mañá martes 11 de febreiro, a partir das 18.30 h, e será impartida polo xerente de Comunicación Dixital de Repsol e director do Programa Superior de Marketing Dixital en ESIC, Alberto Sáez Vila. A entrada é gratuíta pero é preciso inscribirse previamente neste formulario.

Nesta sesión, na que se presentará o Programa Superior en Marketing Dixital IESIDE – ESIC, contarase a fórmula para xerar un contido dixital de éxito. Todas as marcas enfróntanse ao reto de xerar impacto nos seus usuarios, e deben ser capaces de conectar con eles para xerar recordos e experiencias memorables. Unha das principais ferramentas que ofrece o Marketing Dixital é a capacidade de contar historias, de crear contidos que poidan ser consumidos e lembrados. Algunhas marcas convertéronse en auténticos medios de comunicación e xeran un enorme recoñecemento na mente dos seus clientes e, por suposto, vendas. Pero, que factores debe ter un bo contido? Como facer que destaque entre todo o contido dixital que se xera?

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.