O Colexio Profesional de Xornalistas de Galicia recolle nun fío datos e ferramentas para informar sobre o suicidio

Tras a publicación do Decálogo de recomendacións para os e as profesionais dos medios de comunicación ao informar sobre o suicidio, realizado polo Ministerio de Sanidade coa participación da Rede de Colexios Profesionais de Xornalistas, o Colexio Profesional de Xornalistas de Galicia recolleu nun fío de Twitter datos relevantes e ferramentas profesionais arredor das condutas suicidas.
Publicado por o día 01/08/2020 na sección de Colexio Profesional de Xornalistas de Galicia,Social

O Colexio Profesional de Xornalistas de Galicia recolle nun fío datos e ferramentas para informar sobre o suicidio

Así, o fío recolle que Galicia continúa a ser a segunda comunidade autónoma con maior taxa de suicidios (10,14 por cada 100.000 habitantes), aínda que no 2018, por primeira vez desde hai 7 anos, o número de suicidios baixou das 300 defuncións ao ano. Esta diminución prodúcese nun dos momentos nos que máis se está a falar das condutas suicidas, demostrando que unha información axeitada sobre o suicidio pode contribuír á súa prevención.

Para informar de maneira responsábel sobre as condutas suicidas, lémbranse as recomendacións sobre o Decálogo de recomendacións para os e as profesionais dos medios de comunicación ao informar sobre o suicidio, así como a Guía práctica para o tratamento informativo dos suicidios, incluída nas Recomendacións profesionais sobre información e sufrimento humano InformaDor, realizadas polo Colexio Profesional de Xornalistas de Galicia e o Colexio Oficial de Psicoloxía de Galicia, que ofrece ademais fontes galegas de interese.

Podes consultar o fío completo cos datos e recomendacións.

Comentar noticia

Your email address will not be published.