Paolo Berizzi, Marta Peirano e Edith Rodríguez, na xornada Desinformación e ameazas á liberdade de expresión, que o Colexio de Xornalistas organiza este xoves

Paolo Berizzi, Marta Peirano ou Edith Rodríguez, especializados en extremismos, desinformación e ataques á liberdade de expresión, ofrecerán cadansúa conferencia na xornada Desinformación e ameazas á liberdade de expresión: Retos do xornalismo ante a irrupción dos extremismos, que o Colexio Profesional de Xornalistas de Galicia organiza este xoves 28 de novembro no auditorio da Facultade de Ciencias da Comunicación da USC (Avenida de Castelao, s/n), en horario de 9:00 a 19:30 horas. Ademais deles, xornalistas, responsables de verificación e profesores universitarios participarán nas mesas redondas que se podem consultar no programa anexo.
Publicado por o día 26/11/2019 na sección de Social,Colexio Profesional de Xornalistas de Galicia

Paolo Berizzi, Marta Peirano e Edith Rodríguez, na xornada Desinformación e ameazas á liberdade de expresión, que o Colexio de Xornalistas organiza este xoves

Os novos movementos extremistas en Europa, as fake news, as ameazas para a información no mundo dixital ou as estratexias de fact-checking serán alguns dos temas que se debaterán este xoves na xornada Desinformación e ameazas á liberdade de expresión: Retos do xornalismo ante a irrupción dos extremismos. O Colexio organiza este acto, que conta coa colaboración da Facultade de Ciencias da Comunicación a Rede de Colexios Profesionais de Xornalistas, a Asociación de Enxeñeiros de Telecomunicación de Galicia e o Colexio Oficial de Enxeñeiros de Telecomunicación de Galicia, para responder á aparición de diferentes fenómenos que aumentan o peso da desinformación no panorama mediático e obrigan ás e aos xornalistas a reflexionar sobre a súa expansión e as ferramentas para combatela.

A xornada abrirase coa conferencia de Paolo Berizzi sobre “O avance da extrema dereita en Europa: Desafío para o xornalismo”, tras a que se realizarán dúas mesas redondas. A primeira, moderada pola xornalista do Faro de Vigo Lara Graña, analizará “As fake news como estratexia informativa”, con Marilín Gonzalo (Newtral.es), Patricia R. Blanco (El País), Eli Vivas (Verificat e Storydata) e César Peña (RTVE). Na segunda, os xornalistas Fernando Varela (infoLibre), Virginia P. Alonso (Público), María Obelleiro (Sermos Galiza e Nós Diario), Xosé Hermida (El País), Xurxo Salgado (Galicia Confidencial) e David Lombao (Praza Pública) debaterán sobre “Os novos movementos extremistas e como afrontar o fenómeno desde o xornalismo”.

Á tarde terán lugar a conferencia de Marta Peirano, “Facer xornalismo na era da desinformación” e a mesa redonda “Ameazas para a información no mundo dixital”, cos expertos universitarios Alexandre López-Borrull (Universitat Oberta de Catalunya), Raúl Magallón Rosa (Universidad Carlos III), Dolors Palau-Sampio (Universitat de València) e Edita de Lorenzo (Universidade de Vigo, COETG). A xornada rematará con Edith Rodríguez, que impartirá a ponencia “Os ataques á liberdade de prensa en España”.

A inscrición na xornada é gratuíta até completar o aforo do auditorio. Para asistir é preciso apuntarse a través deste formulario: https://forms.gle/1tDK3GW13bQ2BQRn6. Ás persoas asistentes entregaráselles un diploma acreditativo.