Publicado por O deputado do BNG, Daniel Pérez formulou hoxe unha pregunta ao goberno sobre o gromo detectado na Residencia de Maiores, Domus Vi de Vimianzo que afectou á totalidade das persoas usuarias do centro, “150 afectados de 150 usuarios”.
Tras a intervención do director xeral de Atención Integral sociosanitaria, Antón Acevedo que coincidiu na diagnose do nacionalista e anunciou que xa existe un grupo de traballo para “repensar o actual modelo de residencias” co fin de non cometer os mesmos erros ante futuras pandemias, o deputado reiterou que o acontecido en Vimianzo é produto do “modelo privatizador de Feixóo”, modelo ao que o BNG mostrou a súa oposición antes da pandemia. O coidado dos nosos maiores, dixo, “non se pode mercantilizar e o actual modelo de xestión é un modelo falido”. Daniel Pérez insistiu na necesidade dun novo modelo que coloque as persoas “no eixe central das políticas públicas” reforzando o seu carácter público e de proximidade.
Á pregunta do BNG sobre unha posible intervención da Xunta na residencia, Acevedo eludiu responder. Pola súa parte, o nacionalista destacou que a escaseza de persoal obriga a auxiliares, enfermeiros, enfermeiras e médic@s a transitar por diferentes salas compartimentadas para evitar a propagación do virus, circunstancia que na súa opinión, “non ten moito sentido”. Para o deputado, o problema reside nas carencias de medios humanos e materiais nos centros de xestión privada xa que “hai que pagar ao persoal e iso conleva a redución de beneficios”, remarcou.
Os dous médicos que traballan a media xornada, polas tardes traballan noutra clínica privada en Carballo co conseguinte risco de contaxio e transmisión no centro, neste sentido, destacou o “grande compromiso dos e das profesionais” que mesmo renunciaron ao período vacacional para incorporarse ante o segundo gromo. O deputado do BNG preguntou polos criterios da Xunta para intervir nunha residencia, cuestión que novamente quedou sen resposta por parte do director xeral de Atención Integral sociosanitaria.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
