Dow Vigo presenta o proxecto XX, unha colección de 15 camisetas deseñadas con fins solidarios

Publicado por o día 11/02/2020 na sección de Galicia,Social,Vigo

Dow Vigo presenta o proxecto XX, unha colección de 15 camisetas deseñadas con fins solidarios

O alumnado do servizo de Formación leva meses traballando no deseño das pezas coa técnica do  ecoprint xunto á empresa local “As flores de  Greta.

As pezas poñeranse á venda mediante  crowdfunding, co fin de recadar fondos para a ONG  Bicos de Papel.

O proxecto presentarase o vindeiro venres 14 de febreiro ás 11 horas na sede do  Concello de Vigo.

Down Vigo presentará o vindeiro venres 14 de febreiro no Concello de Vigo o Proxecto XX, no que participa alumnado do servizo de Formación. Trátase dunha iniciativa solidaria co fin de recadar fondos para a ONG Bicos de Papel, asociación de axuda a nenos oncolóxicos e as súas familias.

A idea central do proxecto é agradecer á sociedade toda a axuda prestada durante os 30 anos de actividade da Asociación, tomando esta vez a iniciativa de axudar a outra entidade social.

 

Para iso, Down Vigo está a levar a cabo unha colaboración coa empresa As flores de Greta. Antía, Nuria e Uxía son tres emprendedoras que se dedican ao deseño de pezas de roupa coa técnica do  ecoprint, consistente en trasladar os  pigmentos de follas e flores a tecidos de orixe orgánica.

O resultado son 15 camisetas 100% algodón deseñadas e estampadas polo alumnado, que leva meses estudando o proceso e perfeccionando a técnica do  ecoprint. Así, cada unha das pezas é unha creación exclusiva e única.

Máis Información

As pezas serán postas ao dispor do público mediante  crowdfunding ou  micromecenazgo. A través dunha plataforma de venda, todas as persoas interesadas poderán realizar unha achega a través de doazóns económicas obtendo a cambio diversas recompensas. O importe íntegro da recadación será doado á ONG Bicos de Papel.