“É o tempo das mulleres”, afirma Eva Solla na entrevista de Galicia por Diante, na Radio Galega

Publicado por o día 25/01/2020 na sección de Esquerda Unida,Política

“É o tempo das mulleres”, afirma Eva Solla na entrevista de Galicia por Diante, na Radio Galega

Eva Solla, deputada do Grupo Común da Esquerda e coordinadora nacional de Esquerda Unida, vén de participar no Galicia por Diante do Fin de Semana no que falou sobre actualidade política.

“Cremos que sumar forzas con Anova e Podemos vai ser positivo de cara ás Eleccións Autonómicas de 2020, onde aportaremos o mellor de cada unha das organizacións. Canto antes comecemos a traballar en conxunto, antes nos chegaremos a un acordo nas medidas importantes que levaremos a cabo para solventar a situación de pobreza, exclusión e precariedade que teñen unha parte moi importante das galegas e galegos”, dixo Solla.

Respecto ao Goberno central, Solla sinalou que “ten pedente con Galicia moitas materias, como a de infraestruturas, máis alá de rematar os tramos iniciados do AVE, Galicia precisa dunha rede de ferrocarril de cercanías que vertebre o país, sobre todo na parte interior”, sinalou.

De cara as autonómicas, a coordinadora nacional de Esquerda Unida asumiu que “é o tempo das mulleres e en Esquerda Unida xa demos un paso adiante e temos electas ás catro compañeiras que liderarán as catro provincias”.