O vicepresidente e portavoz do Grupo Parlamentario Confederal de Unidas Podemos-En Comú Podem-Galicia en Común na Comisión de Asuntos Exteriores, Antón Gómez Reino, vén de rexistrar unha iniciativa parlamentaria para que o Ministerio de Asuntos Exteriores adopte as medidas que sexan necesarias para que Israel garanta a vacinación da poboación palestina.
No documento lémbrase que, malia a ser un dos países que está a liderar a vacinación a nivel mundial, co 20% dos seus nove millóns de habitantes xa vacinados coa primeira dose, “a situación é moi distinta en Palestina onde recibiron a vacina os arredor de 450.000 israelís que se atopan en asentamentos ilegais en terras palestinas mentres ata o 11 deste mes a Autoridade Palestina non contaba cun plan de suministros para a inmunización dos preto de 5 millóns de palestinos e palestinas que viven en Cisjordania e na franxa de Gaza”, lembrou Gómez Reino.
“Israel está incumprindo a Cuarta Convención de Ginebra, os tratados sobre dereitos humanos e os Acordos de Oslo suscritos en 1993 que son moi claros ao respecto: Israel ten a repsonsabilidade de protexer e proveer asistencia sanitaria á poboación civil nestes territorios”, asegurou o portavoz da Comisión de Asuntos Exteriores.
Tal e como se indica na iniciativa rexistrada hoxe na Cámara Baixa, “as autoridades palestinas solicitaron á Oficina das Nacións Unidas para a Coordinación de Asuntos Humanitarios (OCHA) apoio financeiro a través do sistema global de vacinación Covax, grazas ao poderían chegar a vacinar a preto do 20% da súa poboación”.
A pesar disto, o bloqueo israelí que impide o intercambio de produtos, servizos ou o acceso a enerxía eléctrica, especialmente na franxa de Gaza, tería como consecuencia unha demora de varios meses neste proceso. “Estamos a falar dunha pandemia mundial e dunha cuestión de saúde pública que non pode quedar en mans de decisións meramente políticas”, engadiu Gómez Reino.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.