“Invisibles” aborda a violencia de xénero a través da historia real de mulleres galegas

A obra chega este venres ás 21.30h ao Teatro Municipal de Tui da man de Redrum
Publicado por o día 12/02/2019 na sección de Galicia,Tui

“Invisibles” aborda a violencia de xénero a través da historia real de mulleres galegas

Redrum Producciones de Santiago de Compostela presenta este venres, 15 de febreiro, ás 21.30h no Teatro Municipal de Tui “Invisibles”.

Marián Bañobre dirixe o elenco formado por Mela Casal, Sheyla Fariña e Nieves Rodríguez.

O espectáculo está baseado no libro homónimo de  Montse Fajardo, autora tamén de “Matriarcas” e “Un cesto de mazás”.  “Invisibles” presenta historias reais de mulleres galegas vítimas de malos tratos unidas polo fío común da violencia de xénero. Unha reflexión sobre o perfil das mulleres que sofren, sufriron, esta lacra e sobre a invisibilidade dos agresores fronte á exposición delas na sociedade.

Con este espectáculo Redrum presenta dúas grandes reflexións: a inexistencia dun perfil típico entre as mulleres que sofren violencia de xénero e a invisibilidade dos agresores fronte á exposición das vítimas ante a sociedade. Busca que o público desenvolva unha conciencia crítica  e cuestione a realidade que o envolve para poder así transformala.

As entradas están á venda en www.culturatui.info ata este venres 15 de febreiro ás 12h, e este mesmo venres dende ás 20h no despacho de billetes, aos prezo de 6€ e 5€.

Redrum con “Invisibles”

  • Data: Venres, 15 de febreiro, ás 21.30 h
  • Lugar: Teatro Municipal de Tui
  • Entradas: á venda  en www.culturatui.info ata o venres 15 de febreiro ás 12 h. O venres, 15 de febreiro, dende ás 20 h no despacho de billetes
  • Prezos: 6€ e 5€