Publicado por 
Un ano máis, e van 7 edicións, ADEGA realizará unha xornada de Limpeza Simultánea de Praias. Será o 20 de Outubro (19 para centros de ensino).
O obxectivo das limpezas de praias é a de eliminar parte dos residuos que están nas praias así como dar unha chamada de atención sobre a problemática do lixo mariño. A insostibilidade dos modelos de consumo e produción da nosa sociedade, as malas estratexias na xestión dos nosos residuos e a falta de sensibilización da poboación están detrás deste importante problema ambiental. Cada ano, 10 millóns de toneladas de lixo rematan nos océanos, lixo que provén da industria do mar (pesca, extraccións…), mais unha grande parte chega a través dos ríos, debido a unha mala xestión dos residuos en terra.
Os residuos vertidos no mar teñen graves consecuencias para a os ecosistemas mariños: máis de 1.000.000 de aves mariñas e 100.000 mamíferos e tartarugas morren cada ano enredados ou por inxesta do lixo mariño. Tamén pode afectar directamente á saúde humana, xa que moitos destes produtos conteñen substancias tóxicas, bioacumulativas e persistentes, que entran na cadea alimentaria. Outro dos problemas asociados a estes residuos, é que provocan perdas económicas importantes, debido a que diminúen a pesca comercial e degradan lugares aptos para actividades recreativas e turísticas, ademais de supoñer un enorme gasto de limpezas de praias.
Sensibillizar sobre a problemática do lixo mariño
Con esta actuación dende ADEGA pretendemos dar visibilidade a esta problemática e concienciar a cidadanía da importancia dunha axeitada xestión dos nosos residuos e do noso consumo. A sensibilización do voluntariado é chave para a realización destas xornadas podendo observar de primeira man a cantidade de lixo a agochan a nosas praias. Facemos un chamamento a todas as entidades, centros de ensino, concellos e persoas a título particular para que participen do obxectivo desta xornada e podermos desfrutar de praias saudábeis.
MAPA da VII Limpeza simultánea de praias
Vigo
O vindeiro sábado 20 de Outubro a delegación de ADEGA-Vigo participará dentro da VII Limpeza Simultánea de Praias realizando unha xornada de limpeza de lixo nas praias de Alcabre.
A actividade dará comezo ás 10 e media da mañá e prolongarase até a 1 e media da tarde. O punto de encontro será diante da Asociación de Veciños A Nosa Terra (camiño da Igrexa nº 1, Alcabre).
Listaxe de participantes e localizacións 2018
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
