O goberno de Vigo inicia a contratación da xestión da nova escola infantil de Bembrive

O alcalde deu conta este martes do inicio do expediente administrativo para adxudicar o servizo no novo centro municipal para nenos e nenas de cero a tres anos. Con 82 prazas, a escola de Bembrive abrirá no próximo curso cun apoio do Concello duns 250.000 euros.
Publicado por o día 19/01/2021 na sección de Concello de Vigo,Galicia,Vigo

O goberno de Vigo inicia a contratación da xestión da nova escola infantil de Bembrive

O Concello de Vigo estreará nova escola infantil municipal no novo curso 2021-2022. O goberno dirixido por Abel Caballero xa tramita o expediente administrativo para licitar e adxudicar a súa xestión, segundo trasladou hoxe martes o alcalde en rolda de prensa, co obxectivo de que as familias poidan optar a 82 vacantes en Bembrive: 16 prazas de cero a un ano, outras 26 de un a dous anos e 40 máis desde dous a tres.

O pasado 3 de decembro, o goberno vigués aprobou o convenio de aceptación coa Fundación Amancio Ortega, quen construíu o complexo e a quen o alcalde agradeceu a doazón, un “xesto que Vigo recoñece”. Agora, a administración local viguesa prepara a documentación para sacar a súa xestión a concurso público. Segundo avanzou Caballero, o custo anual de funcionamento achegarase aos 250.000 euros.

Este ano, o Concello adica dous millóns de euros ás escolas infantís municipais, ademais de achegar outros 350.000 euros para o cofinanciamento de dous centros de titularidade da Xunta de Galicia. Abel Caballero recordou que os usuarios das municipais pagan de máximo a metade do importe das autonómicas e instou ao goberno presidido por Núñez Feijóo a que baixe o prezo e “o poña exactamente igual que o Concello de Vigo”.

Comentar noticia

Your email address will not be published.