Publicado por O vicesecretario xeral do PSdeG, Pablo Arangüena, urxe a Feijóo que saia dar explicacións logo de coñecerse que a alcaldesa de Boimorto, do PP, foi vacinada fronte á covid de xeito irregular, durante a quenda das residencias e dos sanitarios de primeira liña.
“Feijóo ten que resolver esta situación antes da súa xuntanza co presidente do goberno”, requiriu o dirixente socialista, porque “non pode haber sombras de sospeita” sobre como se está desenvolvendo o proceso de vacinación.
Sobre todo, á vista de que o propio Feijóo tratou de restar onte importancia aos episodios irregulares de vacinación contra a covid en Pontevedra ou Burela alegando que “non eran alcaldes do PP”.
“Que tome medidas xa. Por exemplaridade e por xustiza social”, esixiu o vicesecretario xeral do PSdeG a Feijóo.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
